Magonjatjie en die Boelies is ’n 70-minute, interaktiewe vertoning wat jong maatjies op ’n kleurvolle avontuur deur die wêreld van insekte neem. Hier leer hulle hoe goggas werk én hoe om boelies die hoof te bied – alles met lag, liedjies en poppespel.
Magonjatjie en die See is interaktiewe kinderteater-vertoning wat opvoeding, vermaak en omgewingsbewustheid kombineer. In die nagenoeg 60-minute vertoning ontdek jong maatjies die geheime van die oseaan deur boeiende liedjies, fassinerende feite en opwindende poppespel. Die produksie bestaan uit twee dele, met ‘n 10-minute pouse tussen-in.
Magonjatjie en die Dinosourusse neem jong kykers op ’n prehistoriese reis vol feite, humor en musiek. Hierdie 70-minute kinderteater-produksie is opgedeel in twee dele met ’n pouse.
Magonjatjie en die Plaas is ’n 60-minute, interaktiewe vertoning waar kinders spelenderwys leer oor plaasdiere en hoe hulle leef. Die vertoning kombineer musiek, humor en leeraktiwiteite om jong maatjies te help ontdek hoe elke dier klink, waar hy woon en selfs wat sy kleintjie genoem word – in Afrikaans, Engels, Sepedi én gebaretaal.
